Elordada Jastar resýrstyq ortalyǵy ashylady
«2019 jyldy Elbasy «Jastar jyly» dep jarııalady. Qazirgi ýaqytta «Astana jastary - 2019» atty óńirlik Jol kartasy ázirlendi. Qujatta 11 ózekti baǵytty qamtıtyn 90 joba qamtylǵan. Bul - jastar ınfraqurylymyn damytý, bilim berý, jumyspen qamtý, densaýlyq saqtaý, qoljetimdi baspana, bıznesti damytý jáne qarjylyq saýattylyq, talantty jastardy qoldaý jáne taǵy da basqa mańyzdy salalar», -dedi ol.
Qazirgi ýaqytta, ákimniń aıtýynsha, Astanada alǵashqylardyń biri bolyp «2019» qysqa nómirimen call-center iske qosylǵan. Ol jastarǵa jumysqa ornalasý, kásipkerlikpen aınalysý, turǵyn úı alý jáne bilim berý máseleleleri boıynsha jan-jaqty quqyqtyq konsýltatsııalyq keńester beredi.
«Jastar ınfraqurylymyn damytýǵa aıryqsha basymdyq beriledi. 2018 jyldyń basynda elordada 16 aýla klýby bolsa, qazir onyń sany 32-ge jetti. Osy jyly aýla klýbtarynyń sanyn kem degende 50-ge deıin ósirý josparlanyp otyr. Bul rette, osynaý erekshe jyl aıasynda «Jastar» saraıyn Qoǵamdyq damý isteri basqarmasynyń balansyna berip, onyń bazasynda Jastar resýrstyq ortalyǵyn ashýdy usynamyn. Ol qaladaǵy barlyq jastar uıymdarynyń ınstıtýtsıonaldyq qyzmetteriniń sapasyn jaqsartatyn jáne memlekettik organdarmen ózara is-qımylyn arttyratyn ortalyq bolady. Sonymen qatar, onda Azamattyq bastamalar ortalyǵy men «Rýhanı jańǵyrý» jobalyq ortalyǵy ornalasady», - dedi Baqyt Sultanov.