Elordada jasóspirimder aspaly kópirge shyǵyp kúnge qyzdyrynǵan

NUR-SULTAN. QazAqparat – Merekelik demalys kúnderi elordanyń «Qaraótkel» kópirinde qutqarýshylar oqys jaǵdaıǵa tap bolǵan, dep habarlaıdy QazAqparat.

Oqıǵanyń mán-jaıyn Nur-Sultan qalasy tótenshe jaǵdaı departamentiniń baspasóz qyzmeti bylaı dep baıandaıdy.

«Elordada demalys kúnderi aptap ystyq bolǵany belgili. Nur-Sultan qalasy Tótenshe jaǵdaılar departamentiniń bólimsheleri bul kúnderi kúsheıtilgen tártipte jumys istedi. Tek osy demalys kúnderi qutqarýshylar sýdan eki adamdy jáne Qaraótkel kópirinde úsh jasóspirimdi qutqardy», - dep jazylǵan resmı málimette.

5 shilde kúni áýeli ózenniń arǵy betine ótpek bolǵan mas áıel qutqarylǵan. Al 6 shildede qutqarýshylar ózenge batyp bara jatqan adamdy baıqap, úrlengen sheńber arqyly jas jigitti qaýipten arashalap qalǵan.

«Taǵy bir erekshe oqıǵa 5 shildede boldy. Kelip túsken habarlama boıynsha qutqarýshylar shaqyrý ornyna 4 mınýtta jetken. «Qaraótkel» kópiriniń «doǵasyna» shyǵyp alyp, kúnge qyzdyrynyp jatqan jastardy qutqarý úshin alpınıst qural-jabdyǵyn paıdalanýǵa týra keldi. Osylaısha eki kúnde bes adam qutqaryldy», - dep jazady dapertamenttiń baspasóz qyzmeti.

Nur-Sultan qalasy tótenshe jaǵdaılar departamenti azamattarǵa sý qoımalarynda bolǵan kezde mynadaı saqtyq sharalaryn saqtaý kerektigin eskertedi.

- mas kúıde shomylmaý,

- qaıyq, kater, aılaqtardan sýǵa sekirmeý;

- tekserilmegen jáne jabdyqtalmaǵan jerlerde súńgimeý;

- júzý shekarasyn belgileıtin belgiden aspaý,

- júzýge arnalmaǵan zattarmen júzbeý;

- balalardy eresekterdiń qaraýynsyz sýǵa jibermeý.