Elordada jasóspirim qyz bir aptadan beri tabylmaı jatyr
17:02, 23 Mamyr 2022
NUR-SULTAN. QazAqparat – Elordada osydan bir apta buryn úıinen shyǵyp ketken 17 jastaǵy qyz tabylmaı jatyr, dep habarlaıdy QazAqparat tilshisi.
Áleýmettik jelilerge taraǵan bul habardy Nur-Sultan qalalyq Polıtsııa departamenti rastap, qyz balany izdestirý áli júrip jatqanyn málim etti.
Taratylǵan aqparatqa qaraǵanda, 2005 jyly týǵan jasóspirim 16 mamyr kúni úıinen fýtbol oınaýǵa shyǵyp, belgisiz baǵytqa ketip qalǵan. Ústine qara fýtbolka, qara trıko, aıaǵyna sur krossovka kıgen.
Qyz bala jaıynda derek biletin azamattar astana eriktileriniń Instagram-paraqshasynda jarııalanǵan +77759126620, +77014926249 uıaly telefon nómirlerine nemese 102-ge qońyraý soǵa alady.