Elordada jas volonterlerge 300 myń teńgeden shaǵyn grant berildi
Shaǵyn granttar baıqaýyna 14-29 jas aralyǵyndaǵy jastar men bastamashyl toptar, úkimettik emes uıymdar qatysqan.
«Búgin volonterlardyń bastamasyn qoldaý maqsatynda granttar uıymdastyrǵan bolatynbyz. Komıssııa qyrkúıek aıynda ótti, onyń quramynda bilikti volonterler, volonter-dárigerler, qoǵam qaıratkerleri boldy. Onda elorda jastarynan kelgen 200-ge jýyq jobalar qaraldy. Bul rette volonterlardyń jeke jobasy emes, qoǵamǵa paıdaly bolýyna mán berildi. Qarttarǵa kómek, ekologııalyq janashyrlyq, janýarlarǵa qaraý syndy ıgi jobalarǵa birinshi nazar aýdaryldy», - dep Nur-Sultan qalasy Jastar saıasaty basqarmasynyń basshysy Dáýlet Káribek:
Baıqaýǵa qatysý úshin ótinim 10 qyrkúıekten 1 qazanǵa deıin qabyldandy. Oǵan 48 jas qatysyp, 22 joba úzdik dep tanylǵan.
«Nátıjesinde úzdik dep tanylǵan 22 volonterlik uıymǵa 300 myń teńgeden qarjylaı kómek kórsetildi. Ol úshin 6 mln teńgeden astam qarajat bólindi. Bul qarjyny eriktiler toby ózderine qajet jaraqtardy satyp alýǵa jumsaýy tıis. Mysaly Qazaqstanǵa tanymal LIDER KZ volonterlik uıymy joǵalǵan adamdy izdeıdi. Olarǵa teplovızor kerek, dron kerek, 3 shaqyrymǵa deıingi aralyqta jumys isteıtin ratsııa kerek. Keı eriktiler áleýmettik az qamtylǵan, kópbalaly otbasylardyń úıine baryp, sabaq oqýǵa kómektesedi. Jastar men balalardy kompıýterlik grafıkaǵa, dızaınerlikke oqytatyn uıym bar. Taksılerge arnalǵan qosymsha syndy túrli aıtı sheshimder boldy. Olarǵa, máselen, kompıýter kerek. Sondaı qajet buıymdaryn alady. Aldaǵy ýaqytta da osy grant aıasynda eriktiler óziniń ıgi isterin júzege asyrady dep oılaımyn», - dedi Dáýlet Káribek.