Elordada jas daryndardyń «Shattyq» festıvali ótti
Festıvalge jas ánshiler, bıshiler, halyq oryndaýshylary, sán teatry Qazaqstannyń barlyq aımaqtarynan jáne Reseı, Qyrǵyzstan, Ózbekstan, Tájikstan, Ýkraına, Belarýs, Ázirbaıjan, Armenııa, Bashqurtstan, Bolgarııa, Túrkııa, Kýba, AQSh-tan keldi. Sharaǵa 5-18 jas aralyǵyndaǵa 350 bala qatysty.
«Nur-Sultan – týǵan kúnińmen!» atty festıvalde vokal, horeografııa, folklor, aspaptyq, sán teatry, erekshe janr túrleri boıynsha ótkizildi.
Jas daryndardyń oryndaýshylyǵyn óner salasyndaǵy belgili adamdar baǵalady.
«Shattyq» festıvali elordamen tyǵyz baılanysty. Ótkizilgen on jyl ishinde festıval jas talanttardy jaryqqa shyǵardy. Festıvaldiń maqsaty da sol balalardyń ónermen aınalysýyn arttyrý, halyq ónerin damytý, jańa daryndardy ashý, olardyń ary qaraı jetilýine kómek kórsetý.
«Elorda kúninde «Shattyq» festıvaliniń qatysýshylary ánderin aıtyp, bılerin bılep, óz ónerlerin kórsetti. Halyqqa qýanysh syılaǵan ónerpazdarǵa alǵysym sheksiz. Ónerleri órge júzsin», - deıdi kontsertti tamashalaǵan Meıirbek Názıev.
Búgin úsh kúnge sozylǵan festıvaldiń qorytyndysy shyǵarylyp, laýreattar marapattaldy. Sondaı-aq ónerpazdardyń qatysýymen gala-kontsert ótti.