Elordada jappaı tóbeles boldy
19:33, 12 Shilde 2021
NUR-SULTAN. QazAqparat – Elordadaǵy toptyq tóbeles bolǵan túngi klýb ıesi jaýapqa tartyldy dep habarlaıdy QazAqparat tilshisi.
Oqıǵa tańǵy saǵat 05.15-te Qabanbaı batyr dańǵylynda ornalasqan BaoBao túngi klýbynyń aldynda bolǵan.
«Patrýldik polıtsııa qyzmetkerleri tóbeleske qatysqandardyń bárin ustap, Esil aýdanynyń polıtsııasyna jetkizdi. Jastar sózge kelip, sońy tóbeleske ulasqany anyqtaldy. Ustalǵandardyń bári mas bolǵan. Olardyń ústinen qoǵamdyq tártipti buzǵany úshin Ákimshilik quqyq buzý týraly kodekstiń 440-baby boıynsha ákimshilik is qozǵaldy», - dep jazady departamenttiń baspasóz qyzmeti.
Al tóbeles faktisi boıynsha Qylmystyq kodekstiń 293-baby boıynsha qylmystyq is qozǵalyp, tergeý júrip jatyr. Túngi klýb ıesi karantın rejımin buzǵany úshin Ákimshilik quqyq buzý týraly kodekstiń 425-baby boıynsha ákimshilik jaýapkershilikke tartyldy.