Elordada jappaı ereýil kezinde qaza tapqan marqumdardyń rýhyna quran baǵyshtaldy

NUR-SULTAN. QazAqparat – Nur-Sultan qalasynda eldegi buzaqylyq kezinde mert bolǵandardyń rýhyna arnaıy quran oqyldy, dep habarlaıdy QazAqparat tilshisi.

Tártipsizdiktiń qurbany bolǵan jandarǵa elordadaǵy «Áziret sultan» meshitinde quran baǵyshtaldy.

Sharaǵa Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly men birneshe ımam qatysty.

«Asa raqymdy, meıirimdi Allanyń atymen bastaımyn. Búgin - elimizde aza tutý kúni. Otan qorǵaý jolynda mert bolǵan jandardyń jatqan jeri jaıly bolsyn. Olardyń artta qalǵan baýyrlary men jaqyndaryna Alla sabyr bersin. Ókinishke qaraı, sońǵy kúnderi elimiz qıyn kúnderdi bastan keship jatyr. Qasıetti quranda shyndyǵynda, árbir qıynshyqtan keıin jaqsylyq bolatyny týraly aıtylǵan. Sondyqtan Alla bizge beıbit kúnimizdi qaıta buıyrtsyn», - dedi Naýryzbaı qajy Taǵanuly, bas múftı.

Eske sala ketsek, eldegi tártipsizdik kezinde kúshtik qurylymdardyń 16 qyzmetkeri qaza tapty.

Aıta keteıik, búgin - Qazaqstanda jalpyulttyq aza tutý kúni.