Elordada jańadan 3 kópir salynady

ASTANA. QazAqparat - Elordada kólik keptelisin retteýge septigin tıgizetin 3 jańa kópir salynady. Ol Esil ózeni men Nura Esil kanalynyń boıynda - Táýelsizdik jáne Hýseın ben Talal kóshelerinde ornalasady. Al jol 8 jolaqty bolady, dep jazady «Habar 24».

Bul óz kezeginde jańa temirjol vokzalynan áýejaıǵa deıingi joldy qysqartýǵa múmkindik beredi. ıAǵnı turǵyndar qalanyń ortalyq bóligin aınalyp ótedi. Qalalyq avtokólik joldary basqarmasy mamandarynyń aıtýynsha, jańa kópir 2,5-3 jyldan keıin qoldanysqa beriledi. Qurylysqa 20 mlrd teńge bólingen. Sala mamandary sondaı-aq syrt kózge eshqandaı kem-ketigi baıqalmaıtyn kóshelerdi nege jamaı beretinin túsindirdi.

«Keıbir kólik júrgizýshileri kóshedegi shurq tesikterdi baıqamaıdy. Keıinnen ol úlken shuńqyrǵa aınalady. Eger tesik bolsa, jańbyrdan keıin ol mindetti túrde kóktemde shuńqyrǵa aınalady. Mundaı jaǵdaıdyń aldyn alý úshin men sol kóshelermen júrip ótip, baıqap qaraımyn. Tep-tegis asfaltqa eshkim tıispeıdi», - deıdi  qalalyq avtokólik joldary basqarmasynyń jetekshisi  Ashat Qaraǵoıshın.