Parıj-2024: El qorjynyna 47 joldama tústi

<p>ASTANA. KAZINFORM - Búgin stend atýdan Qatar astanasy Dohada ótip jatqan lıtsenzııalyq týrnırde Ulttyq qurama sportshysy Marııa Dmıtrıenko Parıj Olımpıadasyna lıtsenzııa jeńip aldy.</p>

Sportty damytý dırektsııasynyń baspasóz qyzmeti málim etkendeı, ol trap jattyǵýynda fınalǵa shyqty. Ereje boıynsha fınalǵa shyqqan 4 mergenge joldama beriledi.

Aıta keteıik, Marııa osyǵan deıin 2016 jyly Rıo Olımpıadasyna qatysyp, 8-orynǵa taban tiregen. Sonymen qatar ótken jyly Bakýdegi álem chempıonatynda Marııa aralas juptyq synda Danııl Pochıvalovpen birge qola júldeger atanǵan.

Qazir Qazaqstan qorjynynda oıyndardyń 47 lıtsenzııasy bar.

Esterińizge sala keteıik, osyǵan deıin Qazaqstan sportshylary Frantsııa astanasy Parıj qalasynda ótetin XXXIII jazǵy Olımpıada oıyndaryna lıtsenzııa sanyn 46- ǵa jetkizgen bolatyn. Naqtyraq aıtsaq, 46 joldamany kúres túrlerinen 130 kelidegi Álimhan Syzdyqov Bishkekte jeńip aldy.