Elordada volonterler jylyna oraı foto jáne kitap kórmesi ótip jatyr
Shara QR Prezıdenti Qasym-Jomart Toqaevtyń 2020 jyldy Volonterler jyly dep jarııalaýyna oraı ótti.
«Qazirgi qoǵam aqparatty sýret arqyly qabyldaýǵa beıimdelgendikten kórmege naqyl sózder men fotosýretter qoıylyp otyr. Bul jerden álemdegi jáne Qazaqstandaǵy volonterliktiń tarıhyn, sonymen qatar ál-Farabıdiń «Qaıyrymdy qala turǵyndary» atty kitabyndaǵy naqyl sózderin, kitaphanamyzdyń barlyq sharalaryna belsendi qatysqan jastardyń fotosýretterin kóre alasyzdar. Basty maqsat - volonterlik uǵymyn sanaǵa sińirý úshin aqparattyq qoldaý kórsetý», - deıdi volonter, qor qurý qyzmetiniń jetekshisi Aıbala Qanatbaıqyzy.
Erikti volonter bolý úshin adamdarǵa nıet bildirý, jany ashyp, esirkeı bilý, ashýdy aqylǵa jeńdirip, komandada jumys isteı bilý ǵana emes, adaldyq, parasat sııaqty adamgershilik qasıetter kerek. «Álemdi jaqsy jaqqa ózgert» atty kitap jáne fotokórme osy máselelerge nazar aýdartý úshin uıymdastyrylyp otyr.