Elordada vaktsına pasportyn qoldan jasady degen kúdikpen er adam ustaldy

NUR-SULTAN. QazAqparat – Elordanyń tártip saqshylary vaktsına pasportyn qoldan jasap, olardy satý faktisiniń aldyn aldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.

Polıtseıler nazaryna kez kelgen úlgidegi qujat daıyndaýdy ýáde etken jas er adam túsken. Ol qala turǵyndaryna vaktsınalaý tólqujatyn 20 kún ishinde daıyndap berýdi usyndy. Bul rette tapsyrys berýshiler aqshany aldyn ala tóleýi tıis boldy. Er adam jumys ornynyń janynda 50 myń teńge kólemindegi aqshany alý ústinde ustaldy. 28 jastaǵy kúdiktiniń aıtýynsha, ol osylaısha aqsha tappaq bolǵan.

Atalǵan fakti boıynsha qylmystyq is qozǵaldy. Vaktsına pasporttaryn alý úshin atalǵan er adamnyń «kómegine» júginip aldanǵan azamattardyń sany anyqtalýda.

Nur-Sultan qalasynyń Polıtsııa departamenti azamattardy zańǵa qaıshy kez kelgen áreket úshin jaýapkershilik qarastyrylatynyn eskertedi.