Elordada úılený toıyn ótkizgen meıramhana ıeleri jazalanbaq

NUR-SULTAN. QazAqparat - Elordanyń monıtorıngtik toptary táýlik boıy karantındik shekteýlerdiń saqtalýy turǵysynan qalanyń kásipkerlik obektilerin tekserýdi jalǵastyrýda, dep habarlaıdy QazAqparat ákimdikke silteme jasap.

Esil aýdanynyń quqyq buzýshylar tiziminde 4 mekeme bar. Onyń ishinde Máńgilik El dańǵylyndaǵy «Loto klýb», «La Terrazza» meıramhanasy, «The Bus» bar, «Han Talapaı» meıramhanasy bar. «Han Talapaı» meıramhanasynda kóp adamnyń qatysýymen úılený toıy ótti.

Saryarqa aýdanynda ornalasqan «Discrit playstation» oıyn klýbynda jáne «Tabý» massaj salonynda karantın saqtalǵan joq.

Almaty aýdanynyń monıtorıngtik toptary «Shesh Besh» kafesinde, «Tsarskaıa monshada», «Sova» karaoke klýbynda shekteý sharalarynyń buzylýyn tirkedi. Baıqońyr aýdanynda «Shashlykoff» barynda karantın eskerilgen joq.

Aıta keteıik, tártip buzýshylarǵa qatysty jınalǵan barlyq materıaldar ákimshilik sharalar qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa tapsyryldy.

Eske salsaq, 20 tamyzda qalanyń 10 mekemesi shekteý sharalaryn buzdy.