Elordada Ulystyń uly kúnine arnalǵan teatrlandyrylǵan qoıylym boldy
500 adam qatysqan qoıylymnan Qys pen Kóktemniń kezdesýin, tabıǵat ananyń jańarýyn kórýge boldy. Ártister alańǵa appaq kıim kıip shyǵyp, ony birtindep jasyl kıimge aýystyrdy. Bul qardyń birtindep erip, onyń astynan ósip shyqqan jas óskinniń tirshiligin beıneledi.
Sondaı-aq kórermen nazaryna «Naýryz sherý» atty teatrlandyrylǵan-etnografııalyq etıýd usynyldy. Onda qazaq halqynyń salt-dástúrleri kórsetildi. Іle «Ortaq shańyraq astynda» atty bı qoıyldy. Kontserttik baǵdarlamanyń negizgi bóligi aıaqtalysymen alańǵa jınalǵan qaýymǵa oblystardan kelgen ánshiler óner kórsetetin bolady.
Іs-sharany qalyń jurtshylyqpen birge QR Premer-Mınıstri Serik Ahmetov, QR Prezıdent Ákimshiliginiń basshysy Kárim Másimov, Astana qalasynyń ákimi Imanǵalı Tasmaǵambetov, Májilis tórǵasy Nurlan Nyǵmatýlın jáne basqa da laýazymdy tulǵalar tamashalady.