Elordada Ulttyq dombyra kúnine arnalǵan onlaın-konferentsııa ótti
Іs-sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev, fılologııa ǵylymdarynyń doktory, professor Myrzataı Joldasbekov, Nur-Sultan q. Dostyq úıinde ashylǵan «Jyr ortalyǵy» jobasynyń úılestirýshisi, belgili jyrshy Almas Almatov, QR Eńbek sińirgen qaıratkeri, kúıshi Janǵalı Júzbaı jáne basqa da belgili memleket, qoǵam jáne mádenıet qaıratkerleri, sheteldegi Qazaqstannyń dıplomatııalyq mıssııalary men qazaqtar qaýymdastyǵynyń ókilderi, etnomádenı birlestikterdiń músheleri men Assambleıa jastary qatysty.
QR Tuńǵysh Prezıdenti – Elbasy N.Nazarbaevtyń sheshimimen, 2018 jyldan beri shildeniń birinshi jeksenbisi Ulttyq dombyra kúni bolyp jarııalandy. Astana kúni qarsańynda ótetin merekelik kúnniń ulttyq rýhanııatymyzǵa qosar úlesi salmaqty.
Bul týraly óz sózinde QHA Tóraǵasynyń orynbasary Janseıit Túımebaev aıtyp ótti:
«Dombyra – túgel túrki jurtynyń, sonyń ishinde qazaq halqynyń kıesi ári qazynasy. Ár úıdiń tórinde ilýli turatyn ulttyq aspabymyzdyń kúmbirlegen úni jan dúnıemizdi terbetip turady. Kóz aldymyzǵa keń baıtaq dalany, sol dalany jaılaǵan qalyń eldi, eldiń turmys-tirshiligin elestetedi.
Dombyra ult tańdamaıdy. Ánniń tilin túsingen, kúıdiń qudiretin uǵynǵan kez kelgen ulttyń ókili dombyra tartady. Kezinde Nadejda Lýshnıkova, Tatıana Býrmıstırova, Vladımır Pıtertsev syndy ánshi, aıtysker aqyndar bizderdi qalaı tańǵaldyrǵan bolsa, búginde Andreı Fendrıkov, Olga Saǵyndyqova, ıÝrıı Mıhýlıa syndy jas talantty dombyrashylar kúmbirletip kúı tartyp, án aıtyp, ulttyq ónerimizdiń damýyna óz úlesterin qosýda.
Osy sebepten bir otannyń ıesi – halqymyzdy, ultty uıystyratyn Ulttyq dombyra kúniniń máni zor. Bul rýhanı jańǵyrý baǵytyndaǵy eń súbeli tirliktiń biri. Osy kúnniń aıasynda ulttyq aspabymyzdy ulyqtaý maqsatynda tyń bastamalar boı kóterip, ıgi dúnıeler qaıta jańǵyrýda.
Dúnıeni jaılaǵan indetke qaramastan búginde sizdermen birge dombyra únimen astastyrylǵan salmaqty dúnıeler týraly áńgime qozǵap, kúıdiń qudiretin sezindirý maqsatynda onlaın rejıminde kúı tartqaly otyrmyz. Búgingi sharamyz túrkige ortaq aspaptyń qońyr úni men qońyr bolmysyna saı, ultymyzdyń jadyn qaıta bir jańǵyrtady dep senemin. Óıtkeni sharamyzǵa ár oblystan talantty dombyrashylar, án men kúıge jany qumar júzdegen etnos ókilderi qatysyp otyr. Respýblıka kóleminde ǵana emes, sonaý sheteldegi qandastarymyz, memleketimizdiń ókildikteri men elshilikterdiń beldi qyzmetkerleri, halyqaralyq uıymdardyń ókilderi, qazaq zııalylary men jýrnalısteri, álemniń túkpir-túkipirinde ultymyzdyń rýhanı qazynasyn nasıhattap júrgen azamattar onlaın rejıminde jelige qosylyp otyr.
«Jazdy kún shilde bolǵanda...» dep Abaı atamyz aıtqandaı, búkil qazaq dalasynda, túrki áleminde, álem júzinde kúmbir-kúmbir kúı tógilsin, dombyrasyn qolǵa alǵan talant ıeleri árdaıym áýelete án salsyn dep tileımin. Qazirgi qıyn kezeńnen aman-esen shyǵyp, ásem ánimiz ben kúmis kúıimiz kúmbirleıtin kúnge jeteıik, aǵaıyn!».
Onlaın-konferentsııa barysynda Reseı, Ońtústik Afrıka, Frantsııa, Qyrǵyzstan, Ózbekstan jáne t.b. memleketterden qosylǵan qatysýshylar bir ýaqytta dombyrada «Balbyraýyn» kúıin oryndap, fleshmob uıymdastyrdy.
«Elimizdiń damý jolynda ulttyq ónerdiń orny erekshe. Adamzat tarıhynyń osy ýaqytqa deıingi jetken derekteri ár ulttyń ózine tán erekshelikterin baıqatady. Osy sátte, biz qazaq ultynyń naǵyz ulandary ata-babalarymyz qalyptastyrǵan asyl qazynalarymyz, salt-dástúrlerimiz, rýhanı qundylyqtarymyz kózimizdiń qarashaǵyndaı saqtalyp, keıingi urpaqqa amanat etip jetýde. Ultymyzdyń baılyǵy, halqymyzdyń janyna rýh beretin qundy aspaptarymyzdyń biri – Dombyra. Al ulttyq dombyra kúniniń atalyp ótilýi qazaq halqymyzdyń mádenıetine degen erekshe qurmetti kórsetedi. Bul mereke jastarǵa dombyraǵa degen qyzyǵýshylyqty oıatady degen úmittenemin», - dep qorytyndylady elordalyq Dostyq úıinde jyl basynda ashylǵan «Jyr ortalyǵy» jobasynyń úılestirýshisi Almas Almatov.
QHA-nyń Feısbýk jelisindegi resmı paraqshasy konferentsııadan tikeleı efır júrgizip, ZOOM konferents-platformasy arqyly onlaın sharaǵa álemniń túkpir-túkpirinen 100-ge jýyq qatysýshy qosyldy.