Elordada ulttyq dástúr men ónerdi dáripteýshilerge «Naýryz syılyǵy» tabystalady
«25 naýryzda Nur-Sultan qalasy ákimdiginiń uıymdastyrýymen byltyrdan beri júzege asyrylyp kele jatqan «Naýryz syılyǵy» ulttyq syılyǵy tabystalady. Atalǵan joba tek mádenıetti ǵana emes, sonymen birge ulttyq baılyqtyń barlyq alýan túrliligin bildiretin halyq sheberlerine arnalǵan», - dedi QR Mádenıet jáne sport vıtse-mınıstri Nurǵısa Dáýeshov OKQ-de ótken baspasóz máslıhatynda.
Uıymdastyrýshylardyń aıtýynsha, ulttyq syılyq 8 nomınatsııa boıynsha tabys etiledi. Búginde jeńimpazdardyń aty-jóni belgili.
Odan bólek, vıtse-mınıstr Naýryz meıramy kúnderi elimizdiń barlyq aýmaǵynda kótpegen buqaralyq-mádenı is-sharanyń ótetinin aıtty.
«Kópshiliktiń qatysýymen túrli deńgeıdegi mádenı, sporttyq ulttyq is-sharalar, aıtystar, kontserttik baǵdarlamalar, kórmeler, qazaq halyq aspaptar festıvalderi ótedi. Sonymen qatar túrli baıqaýlar, teatrlandyrylǵan qoıylymdar, chellenjder, sherýler, kezdesýler, saıystar, uly tulǵalardyń mereıtoılaryna arnalǵan konferentsııalar, qolóner kórmeleri uıymdastyrylmaq. Odan bólek, ulttyq tamaq, ulttyq oıyn, kúres, arqan tartý, asyq atý, toǵyzqumalaq, qol kúres, atalardyń, ájelerdiń baıqaýy bolady», - deıdi ol.