Elordada úlken kóshege ne dańǵylǵa Geıdar Álıev esimi beriledi

BAKÝ. QazAqparat – Elordadaǵy úlken kóshelerdiń birine nemese dańǵylǵa Geıdar Álıevtiń esimi beriledi. Bul týraly Qazaqstan Prezıdenti Qasym-Jomart Toqaev Ázerbaıjan Respýblıkasynyń Prezıdenti Ilham Álıevpen ótken kelissózder qorytyndysy boıynsha BAQ úshin jasaǵan málimdemesinde aıtty, dep habarlaıdy QazAqparat.

«Kezinde elordamyzdyń bir kóshesine kórnekti memleket qaıratkeri, ázerbaıjan halqynyń birtýar perzenti Geıdar Álıevtiń esimi berilgen. Qalamyz, astanamyz qarqyndy damyp keledi, biraq qazir ol kóshe onsha úlken emes. Sondyqtan, men elorda ákimine elimizde shynaıy qurmetke ıe Geıdar Álıevtiń esimimen astanamyzdyń bir úlken kóshesin nemese dańǵylyn ataýdy usyný týraly tapsyrma berdim. Kóshe ataýyn laıyqtyraq nysanǵa aýystyramyz, bul ábden oryndy dep esepteımin», - dedi Qasym-Jomart Toqaev.