Elordada úlken kóshege Ál-Farabı aty berilip, záýlim eskertkishi boı kóteredi

NUR-SULTAN. QazAqparat – Elordada úlken kóshege Ál-Farabı aty berilip, záýlim eskertkishi ornatylady. Bul týraly Ál-Farabıdiń 1150 jyldyq mereıtoıyn daıyndaý jáne ótkizý jónindegi memlekettik komıssııa otyrysynda QR Premer-Mınıstriniń orynbasary Berdibek Saparbaev aıtty, dep habarlaıdy QazAqparat tilshisi.

«Qazir Nur-Sultan qalasy ákimshiligimen jumys istep jatyrmyz. Bizdiń josparymyz boıynsha osy jaqynda, jeltoqsan aıynda Nur-Sultanda Ál-Farabı atyndaǵy kóshe bolady. Respýblıkalyq oqýshylar saraıyna Ál-Farabıdiń aty beriledi. Oǵan qosymsha demeýshilerdi tartý arqyly elorda Ál-Farabıge eskertkish ornatylady», - dedi Úkimet basshysynyń orynbasary.

Osy oraıda Berdibek Saparbaev elimizdiń Syrtqy ister mınıstrligine Damaskidegi Ál-Farabı ortalyǵyn qaıta qolǵa alýdy ótindi.

«Jóndeý jumystary qajet bolsa solardy júrgizý qajet. Onyń ústine Syrtqy ister mınıstri Muhtar Tileýberdi sol jerde (Damaskide) Qazaqstannyń konsýldyǵynyń ashylatyndyǵyn aıtqan edi. Bizdiń ótinishimiz, sol konsýldyq negizinde bir úlken ǵylymı-tájirıbelik konferentsııa ótkizsek. Ol konferentsııaǵa kórshi memleketterdiń farabıtanýshylaryn shaqyrsaq. Sol arqyly Ál-Farabıdi taǵy bir úlken halyqaralyq dárejege kóterer edik», - dedi ol.