Elordada UBT ótkizý ýaqyty bir saǵatqa shegerildi

NUR-SULTAN. QazAqparat – 16 mamyr kúni Nur-Sultan qalasynda UBT ótkizý bir saǵatqa shegeriledi, dep habarlaıdy QazAqparat Ulttyq testileý ortalyǵyna silteme jasap.

Ortalyqtyń málimetinshe, erteń tek elordada ǵana UBT bir saǵatqa shegeriledi.

ıAǵnı:

Tańǵy saǵat 9.00-de bastalatyn UBT saǵat 10.00-ge;

Túski saǵat 14.00-de bastalatyn UBT 15.00-ge aýysty.

«Atalmysh jaǵdaı Nur-Sultan qalasy boıynsha testileý pýnktinde («Táýelsizdik saraıy», Táýelsizdik kóshesi 52-úı) tehnıkalyq jumystardyń júrgizilýine baılanysty oryn alyp otyr», delingen habarlamada.

Ulttyq testileý ortalyǵynyń málimetinshe, bıyl 21 test suraǵy qate qurastyrylǵany anyqtalǵan. Máselen 2018 jyly apellıatsııa qorytyndysy boıynsha - 101, 2019 jyly - 58, 2020 jyly – 27 test tapsyrmasy qate bolǵany anyqtalǵan.

Sondaı-aq, Bilim jáne ǵylym mınıstri Ashat Aımaǵambetov bıylǵy testileýdiń basty erekshelikterin jarııalady.

Buryn túlekterge qaǵaz kitapshalar men jaýaptardy boıap toltyrý paraqtary taratylsa, endi testileý elektrondyq formatta júrgiziledi.

Ár qatysýshyǵa kompıýter berilip, onyń áreketterin beınekameralar baqylaıdy. Proktorıng júıesi iske qosylǵan. Sonymen qatar, arnaıy ortalyqta kezekshiler balalardy kamera arqyly baqylap otyrady.

Tapsyrmalardyń nusqalary testileýdi tapsyrar aldynda avtomatty túrde qurylady, UBT-ny tapsyrý orny men ýaqytyn ár qatysýshy ózi anyqtaıdy.

Endi júz myńdaǵan túlektiń testileýden ótýine burynǵydaı bir apta ǵana berilmeıdi. Testileýdiń ótkizilý merzimi eki aıǵa deıin uzartyldy. UBT-ny qashan tapsyrý kerektigin árkim ózi tańdaıdy.