Elordada Túrkııa mádenıetin arqaý etken jas sýretshilerdiń kórmesi ashyldy
«Oqýshylarymyzdyń qylqalamymen Túrkııa» ataý alǵan jas sýretshiler kórmesi túrik aqyny jáne oıshyly ıÝnýs Emreniń ómirden ozǵanyna 700 jyl tolýyna jáne bıyl túrikshe jyly bolyp atalyp ótýge oraı ótip otyr.
Atalǵan kórmegi elordadaǵy ıÝnýs Emre atyndaǵy túrik mádenı ortalyǵynyń uıymdastyryp otyr.
«Aldymen búgingi sharaǵa kelgen barshańyzǵa alǵysymdy bildiremin. Pandemııaǵa baılanysty biraz jospar keıinge shegerildi. Nur Sultan qalasyndaǵy ıÝnýs Emre atyndaǵy túrik mádenı ortalyǵy 10 jyldan astam qyzmet etip keledi. Osy kúnge deıin ortalyqta túrli formattaǵy mádenı, aǵartý sharalary uıymdastyryldy. Bizdiń ortalyqta túri tilin úıretý kýrsymen qatar, beıneleý ónerine baýlý sheberlik sabaǵy da bar. Búgin mine bizdiń oqýshylarymyz óz týyndylaryn kópshilik nazaryna usynýda. Olar Túrkııaǵa barǵandaǵy áserin sýret arqyly jetkizip otyr eken. Osyndaı sharalar arqyly baýyrlas eki al arasyndaǵy yntymaqtastyqtyń nyǵaıa túsetini anyq», - dedi Túrkııa Respýblıkasynyń Qazaqstandaǵy elshisi Ýfýk Ekıdjı kórmeniń ashylý saltanatynda.
Kórmege Túrkııanyń tarıhy men mádenıetinen habar beretin 35 týyndy qoıylǵan.
«Elimiz táýelsizdik alǵannan keıin alǵashqylardyń biri bolyp Almatyda Túrkııanyń elshiligi ashyldy. Jýyrda ǵana Memleket basshysy túrik baýyrlardyń basyn qosqan aýqymdy jıynǵa qatysty. Sol jerde túrkitildes elder ózara yntymaqtastyq pen saıası-ekonomıkalyq qatynasty odan ári nyǵaıta túsý kerektigi aıtyldy. Sonymen qatar alda Tuńǵysh Prezıdent kúni kele jatyr. Ózderińiz bilesizder túrki áleminiń birigýi men odaqtyń kúsheıe túsýine Elbasynyń qosqan úlesi zor. Odan ári memleketimizdiń Táýelsizdik kúni merekesi kelip qalady. Tarıhtan málim, Qazaqstannyń táýelsizdigin alǵash moıyndaǵan el ol Túrkııa. Sondyqtan eki el qarym-qatynasy tek saıasat pen ekonomıkaǵa emes, baýyrlys, dostyqqa negizdelgen. Oǵan dálel búgingi shara. Osy sharaǵa qatysýshylar men uıymdastyrýshylarǵa myń alǵys», - deıdi QR Parlamenti Májilisiniń depýtaty Elnur Beısenbaev.
Eloradadaǵy «Hanshatyr» OSO-da uıymdastyrylǵan kórme 2 kún boıy jumys isteıdi.
«Buryn men osy tamasha ári kórikti eldiń qalalaryna baryp, erekshelikterine tań qalatynmyn. Túrik mádenıeti baı jáne kópqyrly bolǵany sonshalyqty, men úshin ol qandaı da bir qarapaıym anyqtamanyń sheńberine syımaıdy. Ár qalasynyń buryshtarynda baýyrlas halyqtyń tutas tarıhy bar, syrlar men qupııalarǵa qanyq kóne zaman atmosferasy, tabıǵat pen daryndy sheberlerdiń qolynan jasalǵan erekshe jaýharlardy kezdestirýge bolady. Bul mádenıetpen ózim oqyǵan ıÝnýs Emre atyndaǵy túrik mádenıet ortalyǵynyń arqasynda tanystym. Túrkııa– jaǵymdy emotsııalarǵa, dámdi taǵamdarǵa, meıirimdi jáne elgezek adamdarǵa, tańǵajaıyp bıler men táttilerge toly el. Kórmege meniń «Dárýish», «Túrik shaıy», «Baklava», «Túrik aıaq kıimi», «Kóz monshaq», «Galata munarasy» jáne «Stambulda kúnniń batýy» atty kartınalarym qoıyldy», - dedi jas sýretshi Aınur Myrzaahmetova.