Elordada «Túrkııa-Qazaqstan baýyrlastyq alleıasy» ashyldy
«Túrkııa men Qazaqstan arasyndaǵy dıplomatııalyq qatynastardyń 30 jyldyǵyna oraı, el ordasy Nur-Sultannyń eń bedeldi saıabaǵy sanalatyn Prezıdenttik saıabaqta «Túrkııa-Qazaqstan baýyrlastyq alleıasynyń» ashylýy ótti. Esil ózeniniń jaǵalaýynda ashylǵan jáne QR Prezıdenti rezıdentsııasy - Aqordaǵa qarama-qarsy ornalasqan alleıaǵa eki baýyrlas eldiń ár jylyn beıneleıtin 30 tal otyrǵyzyldy. Túrkııa Elshisi Ýfýk Ekıdjı men Nur-Sultan qalasy ákiminiń orynbasary Baqtııar Mákenniń qatysýymen ótken ashylý saltanatyna Halyqaralyq túrki akademııasy prezıdenti Darhan Qydyráli, Ázerbaıjan Elshisi Rashad Mamedov, QR SІM departament dırektory Ońtalap Ońalbaev jáne Nur-Sultandaǵy túrik qaýymdastyǵy ókilderi qatysty», delingen habarlamada.
Sondaı-aq, alleıanyń ashylýy Qazaqstan Táýelsizdiginiń 30 jyldyǵymen tuspa-tus keldi.
Elshiliktiń málimdeýinshe, 1991 jyly 16 jeltoqsanda Qazaqstan táýelsizdigin alǵash moıyndaǵan el Túrkııa boldy. Eki baýyrlas el arasyndaǵy dıplomatııalyq qatynastar 1992 jylǵy 2 naýryzda ornatyldy.