Elordada týrıstik yqshamaýdan paıda bolady

NUR-SULTAN. QazAqparat - Nur-Sultan qalasynyń ákimi Altaı Kólginov pen «Ellington Properties Development LLC» kompanııasynyń dırektorlar keńesiniń tóraǵasy Djozef Tomas elordadaǵy kópfýnktsıonaldy týrıstik aýdannyń qurylysyn talqylady, dep habarlaıdy QazAqparat qala ákiminiń resmı saıtyna silteme jasap.

Kezdesý «Astana» halyqaralyq qarjy ortalyǵynyń alańynda ótti, kompanııa AHQO-da tirkelgen.

Elordany odan ári damytý jónindegi keńeste Memleket basshysy jeke ınvestıtsııalardy tartýdyń mańyzdylyǵyn atap ótken edi. Aýmaqta demalys ortalyqtaryn, jyldyń kez kelgen maýsymynda jumys isteıtin oıyn – saýyq ortalyqtaryn, týrızm nysandary men qonaq úılerdi ornalastyrý josparlanýda. Demek, qalada týrıstik oram paıda bolady. Tartylatyn ınvestıtsııa kólemi 1 mlrd dollardan asady. Іske asyrý merzimi- 5-6 jyl. Kompanııa naryqta 5 jyl jumys isteıdi jáne Dýbaı qalasynda (BAÁ) jyljymaıtyn múlik salasyndaǵy jetekshi kompanııalardyń biri bolyp tabylady. Sondaı-aq, atalmysh jobalardy júzege asyrýda úlken tájirıbesi bar.