Elordada turǵyndardyń kóp jınalýynan týyndaǵan oqıǵaǵa qatysty sanepıdbaqylaý komıtetiniń túsiniktemesi

NUR-SULTAN. QazAqparat - QR DSM sanıtarlyq-epıdemıologııalyq baqylaý komıteti Máńgilik el dańǵylyndaǵy gúl satatyn dúkenniń janyna qala turǵyndarynyń kóptep jınalýynan týyndaǵan oqıǵaǵa qatysty jaýap berdi. Bul týraly QazAqparat BaigeNews.kz saıtyna silteme jasap habarlaıdy.

Esil aýdandyq ákimdigi men polıtsııa mamandarynan quralǵan monıtorıngtik top 2000-nan astam adamnyń qatysýymen ótken is-sharada Nur-Sultan qalasynyń Bas sanıtarlyq dárigeriniń qaýlysyn buzý faktisin anyqtady. Dúken ashylý qurmetine utys oıynyn ótkizgen «Úılestirý ortalyǵynyń aqparaty (shuǵyl habarlama) negizinde Esil aýdandyq sanıtarlyq-epıdemıologııalyq baqylaý bóliminiń mamandary jospardan tys tekserý júrgizdi. Tekserý barysynda zań buzýshylyq faktisi rastalyp, kásipkerlik sýbektisine ( «Global flowers» JShS) Qazaqstan Respýblıkanyń Ákimshilik kodeksiniń 425-babynyń 1-bóligi boıynsha ákimshilik sharalar qoldaný úshin 8 aqpanda keńsege kelýge shaqyrý qaǵazy tapsyryldy», - deıdi sanıtarlyq-epıdemıologııalyq baqylaý komıtetiniń resmı ókili Erjan Baıtanaev.

Nysan ákimshiligi men utys oıynyna qatysýshylarǵa qaýly talaptaryn oryndaý qajettiligi týraly túsindirý jumystary júrgizildi.

Syılyq alýdy qalaıtyn kóptegen adam dúkenniń janyna jınalǵan. Uıymdastyrýshylar ne bolyp jatqanyn vıdeoǵa túsirip, áleýmettik jelige jarııalaǵan.

Shekteý sharalary naqty buzylǵandyqtan arada bir saǵat ótken soń shara toqtatyldy.