Elordada turǵyn úı keshenine 17 saǵat gaz berilmegen
16:45, 20 Qarasha 2019
NUR-SULTAN. QazAqparat – Redýktory qatyp qalǵan «Aqbota» turǵyn úı kesheniniń tutynýshylary 17 saǵat gazsyz otyrdy, dep habarlaıdy QazAqparat Qalalyq orta sapasy jáne baqylaý basqarmasyna silteme jasap.
«19 qarasha kúni keshki saǵat 20:00-de Respýblıka dańǵylyndaǵy 43a mekenjaıynda ornalasqan «Aqbota» turǵyn úı kesheninde gazgolder redýktorynyń qatyp qalýyna baılanysty, tutynýshylarǵa gaz berilmedi. Apattyq qyzmet pen «AstanaGazQyzmet» JShS eksplýatatsııa qyzmetiniń qalpyna keltirý jumystary jáne «Nur-Sultan Ortalyq gazben qamtý» ortalyǵynyń jóndeý jumystary arqyly, 20 qarashada saǵat 13:25-te turǵyndarǵa gaz berildi», - dep habarlady Qalalyq orta sapasy jáne baqylaý basqarmasynyń baspasóz qyzmeti.
«AstanaGazQyzmet» JShS habarlaýynsha, qysqy sýyqta redýktordyń qatyp qalýy syndy tehnıkalyq jaǵdaılardyń bolýy qalypty.