Elordada turǵyn úı qabyrǵasyna Baýyrjan Momyshulynyń alyp portreti salyndy
«Bul art-joba maıdan alańynda mıllıonnan astam otandasymyz shaıqasqan Ekinshi dúnıejúzilik soǵystaǵy Jeńistiń 75 jyldyǵyna arnalyp otyr. Baýyrjan Momyshulyna arnalǵan mýraldyń avtorlary - TigrohaudCrew komandasynyń graffıt-sýretshileri Erjan Tanaev pen Álı Zákir. Olar búkil Qazaqstan boıynsha 15-ten astam iri aýqymdaǵy jumysty oryndaǵan. Joba jetekshisi - Krıstına Bekmyrzaeva. Osy komanda elordada koronavırýspen kúrestiń aldyńǵy shebinde júrgen dárigerlerge mýral salǵan bolatyn», - dedi Aqmaral Oljabaeva.
Úı qabyrǵasyna beınelengen Baýyrjan Momyshulynyń jas kezindegi sýretin áıel adam qolyna ustap tur. Bul maıdanǵa attanǵan súıiktisin, uly men jaqynyn taǵatsyzdana kútken anany bildiredi. Mýraldy salýǵa sýretshiler bir apta ýaqyttaryn jumsaǵan.