Elordada turǵyn úıdiń jertólesinen veıp saqtaıtyn qoıma tabyldy

<p>ASTANA. KAZINFORM &ndash; Elordada veıpterdiń zańsyz qoımasy anyqtaldy, dep habarlaıdy Astana qalasy Polıtsııa departamentiniń baspasóz qyzmeti.</p>

«Ýchaske» jedel-aldyn alý is-sharasyn ótkizý barysynda Saryarqa aýdany polıtsııa bólimi ýchaskelik polıtsııa ınspektorlary ákimshilik ýchaskeni aralaý kezinde Qosshyǵululy kóshesindegi turǵyn emes úı-jaıda kóptegen elektrondyq temeki men veıpterdiń saqtalýyn anyqtady. Qoıma ǵımaraty elordalyq kópqabatty úıdiń jertólesinde ornalasqan. Qoımadan 2700 dana elektrondyq qurylǵy (veıpter) tabyldy. Belgili bolǵandaı, qylmysty uıymdastyrýshylar kýrerlerdi tarta otyryp, taýardy Telegram arnasy arqyly satqan. Qazirgi ýaqytta polıtseıler elektrondyq tutyný júıelerin (veıpterdi) satý jáne taratý faktisi boıynsha sotqa deıingi tergeý amaldaryn júrgizýde» delingen habarlamada.

Aıta keteıik, bıylǵy 20 maýsymnan bastap QR Qylmystyq kodeksine Shegilmeıtin temeki buıymdarynyń, elektrondyq tutyný júıeleriniń (veıpterdiń), olarǵa arnalǵan hosh ıistendirgishter men suıyqtyqtardy satýǵa jáne taratýǵa tyıym salý týraly 301-1-baby engizilgen bolatyn.

Bul baptyń talabyn buzǵandarǵa 200 AEK mólsherinde aıyppul salynady; ne sol mólsherde túzeý jumystaryna, ne 200 saǵatqa deıingi merzimge qoǵamdyq jumystarǵa tartylady; ne 50 táýlikke deıingi merzimge qamaqqa alynady.

Aıta keteıik, kúni keshe Pavlodarda quny 55 mıllıon teńge turatyn veıpter tárkilengen edi.