Elordada turǵyn úı salýǵa ýaqytsha shekteý qoıyla ma – ákim jaýaby

<p>ASTANA. KAZINFORM &ndash; Astana qalasynyń ákimi elordada turǵyn úı salý qarqyny men sapasyna qatysty túsinik berdi.</p>

«Biz jylyna 4 mln sharshy metr turǵyn úı salyp jatyrmyz, onyń ishinde ártúrli úıler bar. Sapasy joǵary, ortasha jáne basqa. Ártúrli jaǵdaı bolady, úılerge qatysty naqty suraqtar bolsa biz ony teksereıik», - dedi Jeńis Qasymbek bıznes qaýymdastyǵy ókilderimen kezdesýi barysynda BAQ ókilderiniń saýalyna jaýap bere turyp.

Sonymen qatar jýrnalıster elorda ákimine qalada turǵyn úı salýdy ýaqytsha shekteýge qatysty saýal qoıdy.

«Kerek emes, ondaı másele kóterilgen joq», - dep qysqa qaıyrdy J. Qasymbek.

Buǵan deıin Astanada jyl sońyna deıin 9 problemaly turǵyn úıdiń qurylysy aıaqtalatyny týraly habarlaǵan edik.

Sondaı-aq jýyrda elorda ákimdigi eski turǵyn úılerdi jańartý baǵdarlamasy aıasynda apatty úılerdi buzý jáne turǵyndardy jańa úılerge kóshirý týraly josparyn jarııalady.