Elordada Tuńǵysh Prezıdent kúni qalaı toılanady
25 qarasha men 1 jeltoqsan aralyǵynda elordanyń barlyq mektepterinde «Ult maqtanyshy – Prezıdent» taqyrybynda dárister ótedi.
Búgin, 26 qarasha kúni L. N. Gýmılev atyndaǵy Eýrazııa ulttyq ýnıversıtetinde «Elbasy jáne el muraty: turaqtylyq, jasampazdyq, sabaqtastyq» atty respýblıkalyq ǵylymı-praktıkalyq konferentsııa ótti. Іs-sharanyń maqsaty: jastardy patrıottyq rýhta tárbıeleý, qoǵamdyq-saıası qyzmetti jáne álemdik deńgeıdegi iri saıasatker N.Á. Nazarbaevtyń eńbekterin nasıhattaý.
Sonymen qatar, qala mektepteri men Qosshy kentiniń kitaphanasynda 28 qarasha men 1 jeltoqsan aralyǵynda «Prezıdent kúnine arnalǵan «Eli súıgen, elin súıgen Elbasy» atty ashyq sabaq ótedi.
Birneshe kún boıy 27 qarasha men 1 jeltoqsan aralyǵynda «Máńgilik El» saltanat qaqpasynda oqýshylar úshin «Breın-rıng» zııatkerlik oıyny formatynda «Bir shańyraq astynda» atty mýzeılik sabaq uıymdastyrylady.
Al «Aljır» memorıaldy-murajaı kesheniniń ujymy 28 qarasha kúni «Zerde» zalynda ótetin «Elbasy jolymen» atty is-sharaǵa shaqyrady. Baǵdarlamada Aqmol aýylynyń № 5 OM oqýshylarynyń qatysýymen kontsert ótkiziledi.
Otbasymen ýaqyt ótkizý úshin 28 qarasha kúni saǵat 12:00-de «Astana» kontsert zalynda orys tilinde, al saǵat 15:00-de qazaq tilderinde tarıhı anımatsııalyq «Kúltegin» mýltfılmin tamashalaýǵa bolady. Kúndiz osy kontsert zalda, sol ýaqytta «Muz bala» mýltfılmi kórsetiledi.
Tuńǵysh Prezıdent kúnin merekeleýge arnalǵan birqatar is-sharalar 29 qarashada ótedi.
Osy kúni №4 balalar kitaphanasynda «Tunǵysh Prezıdent – el maqtanyshy» atty kórme - portret ashylady. Al № 1 kitaphanada «El tiregi – Elbasy» taqyrybynda áńgime-sholý ótedi. Saǵat 15: 00-de elordalyq №4 mektepte «Eli súıgen, elin súıgen Elbasy» atty is-shara ótedi. Saǵat 11:00-de Sáken Seıfýllın murajaıynda «Elbasy-el mereıi» atty jas aqyndarmen kezdesý uıymdastyrylady. Sondaı-aq, mýzeıde 1-5 jeltoqsan aralyǵynda «Elbasy – El maqtanyshy» kórmesi ótedi.
Saǵat 15.00-de «Nomad City Hall» zalynda «Elbasy joly» kınoepopeıasynyń «Ot-ózen» kórkem fılminiń kórsetilimi ótedi.
Saǵat 18.00-de «Naz» memlekettik teatrynyń «Máńgilik eldiń baǵyttary, Elbasy bastaǵan nurly jol» atty kontserti ótedi.
Sonymen qatar, osy kúni qalanyń barlyq mektepterinde «Táýelsizdiktiń nury - Tuńǵysh Prezıdent» atty biryńǵaı ashyq sabaq ótkiziledi.
1 jeltoqsanda elordanyń mádenıet mekemeleri qala turǵyndary men qonaqtary úshin merekelik baǵdarlama daıyndady.
Qýyrshaq teatry «Arystan patsha» mıýzıklin kórýge shaqyrady. Bul kúni birden úsh qoıylym kórsetiledi – saǵat 12:00, 14:00 jáne 16:00-de. Elordalyq tsırkte saǵat 16: 00-de tsırk ártisteri men Contrast bı ujymynyń qatysýymen dıvertısmentke qonaq usynylady. Bir saǵattan keıin «Jastar» saraıyna baryp, «Den angela» atty qaıyrymdylyq qoıylymyn tamashalaýǵa bolady.
Osy ýaqytta «Astana» kontsert zalynda «Tarıh tolqynynda» atty kontsert ótedi.
Saǵat 18:30-da «Nomad City Hall» teatry «Qosh, mahabbat» melodramasynyń kórsetilimin uıymdastyrsa, al Qalıbek Qýanyshbaev atyndaǵy memlekettik akademııalyq qazaq mýzykalyq-drama teatry «Shámshi» spektaklin qoıady.
2 jeltoqsan kúni «Jastar» saraıynda mereke qurmetine «Rýhanı Jańǵyrý» baǵdarlamasy aıasynda elordalyq aýla klýbtarynyń «Talanttar sherýi» festıvali ótedi. Osy kúni «Astana-Báıterek» monýmentinde aýdıodeskrıpteri bar aýdıodeskrıpteri nemese kórý boıynsha múgedekterdi qabyldaýdyń psıhologııalyq erekshelikteri men qajettilikterin eskere otyryp, qazaq, orys jáne aǵylshyn tilderinde kórneki aqparattardyń tildik sıpattamasy bar aýdıogıdter tanystyrylady.
Sonymen qatar, bir aı ishinde Nur-Sultanda Qazaqstannyń damýyndaǵy Tuńǵysh Prezıdenttiń róli taqyrybyna arnalǵan túrli kórmeler jumysy ótedi.
Osylaısha, Táýelsizdik saraıynda 30 qarasha men 30 jeltoqsan aralyǵynda «Elbasy armany – asqaq Nur-Sýltan»atty fotokórmeni tamashalaýǵa bolady. Aǵymdaǵy jyldyń jeltoqsan aıynda №5 buqaralyq kitaphanada «Elin súıgen, el súıgen Elbasy» atty kórme-panorama, mamandandyrylǵan kitaphanada – «Elbasy jáne onyń saıası tulǵasy» fotokórmesi, №15 buqaralyq kitaphanada – «Elbasy» vırtýaldy kórmesi, OKJ kitaphanalarynda – «Elbasy elimniń tiregi»; «Nursultan Nazarbaev-chelovek, polıtık, lıder!»; «Meniń tuńǵysh Prezıdentim»; «Elimizdiń erteńin oılaǵan kóshbasshy», «Eliń tanytqan – Elbasy» atty kitap kórmeleri toptamasy ótedi.
Sonymen qatar, №3 balalar kitaphanasynda «Dara tulǵa-dana tulǵa» atty jeke kórme uıymdastyrylady. №2 balalar kitaphanasynyń ujymy «Elbasy - bizdiń maqtanyshymyz» atty áńgime - sholý, №10 buqaralyq kitaphana Qazaqstan Respýblıkasy Tuńǵysh Prezıdentiniń murajaıyna ekskýrsııa uıymdastyrylsa, №3 buqaralyq kitaphana «Kemel eldiń kemenger basshysy» saıası portreti atty shara ótkiziledi.
QR Tuńǵysh Prezıdenti Kúnin merekeleý aıasynda kóp balaly, az qamtylǵan jáne tolyq emes otbasylardyń balalaryna, erekshe qajettilikteri bar balalarǵa, sport sektsııalary men aýla klýbtarynyń tárbıelenýshilerine iri sporttyq jáne mádenı is-sharalarǵa tegin barý úshin bıletter beriledi.