Elordada túngi ýaqytta kóshe kezgen 25 jasóspirim ustaldy
«Nur-Sultan qalasynyń ıývenaldy polıtsııasy qyzmetkerleri 26-28 qańtar aralyǵynda jedel aldyn alý is-sharasyn ótkizip jatyr. Іs-sharanyń maqsaty – quqyq buzýshylyqtyń aldyn alý, kámeletke tolmaǵandarǵa alkogol sýsyndary men temeki buıymdaryn satý, balalardyń qaraýsyz ári baqylaýsyz bolýyn, jasóspirimderdiń túngi ýaqytta zańdy ókilderinsiz úıden tys jerde jáne kóńil kóterý oryndarynda júrý faktisin anyqtaý. Bul is-sharaǵa tek polıtsııa qyzmetkerleri ǵana emes, densaýlyq saqtaý men bilim berý, úkimettik emes uıymdardyń ókilderi de qatysady», - dedi atap ótedi Nur-Sultan qalalyq Polıtsııa departamentinen.
Vedomstvonyń málimetinshe, is-sharanyń alǵashqy kúninde ákimshilik quqyq buzǵany úshin polıtsııaǵa 29 jasóspirim jetkizildi. Olardyń ishinde 4-eýi kishigirim buzaqylyq jasasa, 14-i qoǵamdyq orynda temeki shekken. Atalǵan jasóspirimderdiń barlyǵy jáne 7 ata-ana balalaryna durys tálim-tárbıe bere almaǵany úshin ákimshilik jaýapkershilikke tartyldy.
Munan bólek, túngi ýaqytta zańdy ókilderiniń qaraýynsyz úıden tys jerde júrgen 25 jasóspirim ustaldy. Olardyń ekeýi kóńil kóterý ornynda bolǵan. Jasóspirimderdiń zańdy ókilderine jáne kóńil kóterý oryndarynyń basshylyǵyna qatysty ákimshilik óndiris qozǵaldy. Sonymen qatar ishki ister bólimderine 6 jasóspirim men 7 qolaısyz otbasy esepke alyndy. Olar polıtsııa qyzmetkerleriniń erekshe baqylaýynda bolady.