Elordada tórt jyl buryn joǵalǵan adam tabyldy

<p>ASTANA.KAZINFORM &ndash; Elorda aýmaǵynda ómirlik qıyn jaǵdaıǵa tap bolǵan adamdarǵa kómek kórsetýge jáne izdeýde júrgen adamdardy anyqtaýǵa baǵyttalǵan jedel-aldyn alý is-sharasy ótti.</p>

«Onyń barasynda habar-osharsyz ketken 3 adamnyń júrgen jeri anyqtaldy. Onyń ishinde bir azamat 2020 jyldan beri týystarymen baılanysta bolmaǵan. Tórt jyl boıy týystary oralýynan úmit úzbegen 48 jastaǵy er adamnyń oqıǵasy erekshe nazar aýdarýǵa turarlyq. Polıtsııanyń úılesimdi áreketteriniń arqasynda er adam tabylyp, otbasymen qaıta qaýyshty», - delingen qalalyq polıtsııa departamenti baspasóz qyzmetiniń málimetinde.

Budan bólek, reıd barysynda polıtsııa qyzmetkerleri qylmys jasaǵany úshin izdeýde júrgen 4 kúdiktini, sondaı-aq zań buzý deregi boıynsha kúdikti dep tanylǵan 6 adamdy ustady.

Aıta keteıik, jaqynda kórshi memleketterde izdeýde júrgen 9 kúdikti Túrkistan oblysynda ustaldy.