Elordada «Tolaǵaı» alyptar saıysy ótedi
Uly dalanyń batyrlaryn nasıhattap, qazaqtyń etno-oıyndaryn dáripteý maqsatynda ótkiziletin týrnırde elordalyq sportshylar baq synaı alady.
– Bilekti batyrlar saıystyń 5 túri boıynsha, ıaǵnı, 1,5 m uzyndyqtaǵy temirdi moıynǵa salyp maıystyrý, salmaǵy 100 kelilik tasty mejeli qashyqtyqqa deıin aparý, 130 keli aýyr bóreneni jelkege salyp otyryp-turý, 200 kelilik júk artylǵan arbany súıreý, 10 kelilik naızany qashyqtyqqa laqtyrý sııaqty erekshe saıys túrleri boıynsha synǵa túsedi, - dep habarlady qalalyq ákimdiktiń resmı saıty.
Uıymdastyrýshylardyń aıtýynsha, bul saıys qyrkúıek aıynda ótetin V Dúnıejúzilik kóshpendiler oıyndaryna Astana qalasy boıynsha irikteý kezeńi bolyp sanalady. ıAǵnı, bes saıystyń qorytyndysy boıynsha anyqtalǵan úzdikter aldaǵy respýblıkalyq týrnırde baq synaıdy.
Jarystyń ashylý saltanaty 2 maýsym kúni saǵat 16.00-de, qatysýshylardy tirkeý jarys kúni saǵat 14.00-ge josparlanǵan.
Aıta keteıik, jalpy júlde qory 1 mıllıon teńgeni quraıtyn týrnır Astana qalasy ákimdiginiń qoldaýymen elorda tórinde ekinshi márte ótedi.