Elordada toǵyz jyl salynǵan «Grant» turǵyn úı kesheni paıdalanýǵa berildi
QR Tuńǵysh Prezıdenti kúni qarsańynda «Grant» turǵyn úı kesheni paıdalanýǵa berildi. Bul úı̆ 2011 jyly salyna bastaǵan. Búginde munda barlyq ınjenerlik jeli úı̆ge tartyldy, endi olardy qosý úshin turǵyndar kelisimshartqa otyrýy qajet.
«Qurylysy uzaqqa sozylǵan turǵyn úı̆ keshenderine barǵan kezde úleskerlerdiń qurylys bitetinine seı̆beı̆tinin baı̆qadyq. Alaı̆da qurylys jumysy qaı̆ta jandanǵan kezde turǵyndardyń úmiti oıana bastady. Úleskerler qurylys jumysyn talqylaýǵa etene aralasty.
Sondaı̆ qurylystyń birine aı̆nalǵan «Grant» (Saryarqa aýdany) turǵyn úı̆ kesheni byltyr jazda men barǵan alǵashqy úı̆diń biri. Másele kóp boldy. Úı̆diń irgetasyn qalap, qasbetimen aı̆nalysý qajet edi. Sonymen birge tereze men esik ornatý, ishki árleý jumysyna kóshý kerek boldy. Úı̆diń qujatyn daı̆yndaý, ınjenerlik jelige qosý máselesi de turdy. Bul qolǵa alǵan kóp sharýanyń bir bóligi ǵana», - dep jazdy qala ákimi Altaı Kólginov.
Bul úı̆di qurylys salýshy 2011 jyly sala bastady, al 2015 bul úı̆ problemalyq dep tanylǵan.
«QR Tuńǵysh Prezıdenti kúni qarsańynda úı̆di paı̆dalanýǵa berdik. Barlyq ınjenerlik jeli úı̆ge tartyldy, endi olardy qosý úshin turǵyndar kelisimshartqa otyrýy qajet. Bul úı̆de 170 otbasy turady. Qurylysy uzaqqa sozylǵan úı̆lerdiń qurylysyn aıaqtaý máselesi Memleket basshysynyń baqylaýynda. Byltyr 10 úı̆diń qurylysyn aıaqtap, paı̆dalanýǵa bersek, byı̆yl 20 úı̆di aıaqtap paı̆dalanýǵa berýdi josparlap otyrmyz», - dedi qala ákimi.