Elordada tekserýden ótken oqýshylardyń 4 paıyzy dıspanserlik esepke alyndy

NUR-SULTAN. QazAqparat – Nur-Sultan qalasy sanıtarlyq-epıdemıologııalyq baqylaý departamenti basshysynyń orynbasary Aıgúl Shaǵaltaeva qaladaǵy mektep oqýshylaryn medıtsınalyq tekserýden ótkizý nátıjesi týraly aıtty, dep habarlaıdy QazAqparat tilshisi.

«Óskeleń urpaqtyń densaýlyǵyn saqtaýǵa baǵyttalǵan mańyzdy aspektiniń biri balany tamaqtandyrýdaǵy tıisti talaptardy oryndaýǵa qatysty. Mekteptegi as máziri balalardyń patologııasyn eskermeıdi», - dedi A. Shaǵaltaeva qalalyq máslıhattaǵy turaqty komıssııanyń otyrysynda.

Onyń aıtýynsha, bul turǵyda 2021-2022 oqý jylyndaǵy dárigerlik tekserý nátıjesi dálel bola alady.

Aıgúl Shaǵaltaevanyń sózine qaraǵanda, jalpy dárigerlik tekserýler aıasynda, onyń ishinde basqa da nozologııalar boıynsha barlyq tekserligen oqýshylardyń arasynda dıspanserlik esepke 4,4 paıyzy alyndy.

Budan buryn habarlanǵandaı, A. Shaǵaltaeva qaladaǵy mektepterge azyq-túlik jetkizetinderdi tekserý nátıjesi týraly aıtyp berdi.