Elordada «Táýelsizdiktiń tól qurdastary» jobasy iske qosyldy
Joba aıasynda búgin jastar az qamtylǵan otbasylardy azyq-túlikpen qamtamasyz etti, dep habarlaıdy QazAqparat tilshisi.
«Qazaqstan Táýelsizdigi qurdastarynyń atynan birinshi is-sharamyzdy bastap jatyrmyz. Búgin 20-ǵa jýyq otbasyn azyq-túlik paketimen qamtamasyz ettik. Onyń quramynda un, suıyq maı, shaı, makoron ónimderi, kámpıt-pechene syndy azyq-túlik bar. Olardy óz qarajatymyzǵa satyp aldyq. Osy ıgi is-sharamyzdy ár aptada jalǵastyrý oıymyzda bar», - dedi joba qatysýshysy, Qazaqstan Táýelsizdiginiń qurdasy Erjan Sansyzbaev.
Sonymen qatar ol elordada turyp jatqan Qazaqstan Táýelsizdigi qurdastary ózderi qyzmet etetin salaǵa baılanysty az qamtylǵan otbasylardyń balalaryna da kómek qolyn sozýdy josparlap otyrǵandyǵyn aıtady.
«Ózim óner salasynda qyzmet etkennen keıin turmysy tómen, jaǵdaıy joq otbasylardan shyqqan jasóspirimderdi ónerge baýlyǵym keledi. Jalpy biz sportqa, mádenıetke, ónerge ıkemi bar mundaı balalardyń bárine kómek qolyn sozýǵa tyrysamyz. Sonymen qatar jalǵazbasty qarttarǵa da kómektesý josparymyzda bar», - dedi ol.