Elordada Táýelsizdik kúnine arnalǵan merekelik otshashý boldy

NUR-SULTAN. QazAqparat - Qazaqstan Respýblıkasy Táýelsizdiginiń 30 jyldyǵyna oraı Nur-Sultanda demeýshilik qarajat esebinen uıymdastyrylǵan merekelik salıýt boldy, dep habarlaıdy elorda ákimdiginiń resmı saıty.

Merekelik otshashý qalanyń úsh núktesinde atyldy:

- Botanıkalyq baqtyń aýmaǵy;

- Atyraý kópiriniń soltústigindegi Esil ózeniniń sol jaǵalaýy;

- Aqbulaq ózeniniń soltústik jaǵy, Pýshkın kóshesi men Abylaı han dańǵylynyń qıylysy.

Aıta ketý kerek, Táýelsizdik kúnin merekeleý áleýmettik nysandardyń ashylýymen qatar júredi: 20 myńnan astam oqýshy ornyna eseptelgen jeti mektep, 2,5 myń áleýmettik páterge 6 kóppáterli turǵyn úı kesheni (Qoljetimdi turǵyn úı), úleskerlerdiń 2 myń 400 otbasyna 9 úlestik qurylys nysany jáne t. b.