Elordada taý-ken kolledji men balalardy ońaltý ortalyǵy salynady

<p>ASTANA. KAZINFORM &ndash; Elordada taý-ken kolledji men balalardy ońaltý ortalyǵy salynady. Bul týraly Úkimet otyrysynda Astana aglomeratsııasyn damytýdyń 2024-2028 jyldarǵa arnalǵan keshendi josparynyń jobasyn tanystyrǵan Premer-Mınıstrdiń orynbasary &ndash; Ulttyq ekonomıka mınıstri Nurlan Baıbazarov aıtty.</p>

«Halyqty áleýmettik ınfraqurylym nysandarymen qamtamasyz etý maqsatynda Qosshy qalasynda 1 200 oryndyq mektep, 280 oryndyq balabaqsha jáne 350 tósek-oryndyq kópbeıindi aýrýhana salynady. Sondaı-aq elordada ınvestorlardyń óz qarajaty esebinen 900 stýdentke arnalǵan taý-ken kolledjin jáne balalardy ońaltý ortalyǵyn salý josparlanǵan. Sonymen qatar aýyldyq jerlerde 9 mádenıet úıin, 3 demalys ortalyǵyn, 2 mádenı oıyn-saýyq keshenin jáne 50 kelýshige arnalǵan alǵashqy medıtsınalyq-sanıtarııalyq kómek ortalyǵyn salý kózdelgen», - dedi mınıstr.

Onyń dereginshe, aglomeratsııanyń kóliktik-logıstıkalyq ınfraqurylym máselelerin sheshý maqsatynda keshendi josparda 6 logıstıkalyq keshen, elektrovozdarǵa qyzmet kórsetý jáne qala mańyndaǵy turaqty baǵdarlardy sýbsıdııalaý jónindegi servıstik ortalyq salý sharalary qarastyrylǵan. 

«400 shaqyrymnan astam jol jóndelip, aglomeratsııanyń eldi mekenderine 300 shaqyrym jol jáne 4 kópir salynatyn bolady. 700 shaqyrym káriz júıesin, 500 shaqyrym sýmen jabdyqtaý jáne sý burý, 800 shaqyrym elektr berý jelilerin, 3 qazandyqty, 30 shaqyrym jylý berý jelilerin, 1 100 shaqyrym gaz qubyryn salý, jańǵyrtý josparlanǵan», - dedi Nurlan Baıbazarov.