Elordada taǵy bir irgeli meshit ashyldy
Qazaqstan musylmandary dinı basqarmasynyń málimetinshe, bul - elordada esigin aıqara ashqan 11-shi meshit. Jeke merdigerdiń kómegimen salynǵan qulshylyq ornynyń ashylýyna QMDB tóraǵasy, Bas múftı Serikbaı qajy Oraz qatysyp, jıylǵan jurtshylyq aldynda meshit salýdyń saýabyna toqtaldy.
«Meshit - adamdardy meıirimge, súıispenshilikke shaqyratyn, bir-birine qamqor bolyp, qol ushyn beretin, muqtaj bolǵan adam janyna tynyshtyq tabatyn, sondaı bir qasıetti, ulyq meken. Bul - ımandylyqtyń, bilimniń, ǵylymnyń ordasy. Keshegi Qaraótkelden kele jatqan Aqmola, keshe ǵana halqymyzdyń basyn biriktirgen Astana, búgin nurlanyp damyp jatqan Nur-Sultan qalasynda halyqtyń negizgi bóligi shoǵyrlanǵan jerge meshit kópten beri qajet edi. Minekı, Elbasymyzdyń tapsyrmasymen dál osy halyq tyǵyz ornalasqan jerge meshit saldyrǵan áýletke Alla razy bolsyn deımiz», - dedi Bas múftı búgingi meshittiń ashylý rásimi kezinde.
Aıta keteıik, bas qalanyń oń jaǵalaýynda boı kótergen jańa meshitke bir mezette 1500-2000 adam erkin syıyp, qulshylyǵyn óteı alady. Sondaı-aq, meshit janynan as berýge, Ramazan aıynda aýyzashar berýge yńǵaıly ashana da ashyldy.