Elordada taǵy bir dańǵyl jartylaı jabylady

<p>ASTANA. KAZINFORM - Astana qalasynyń Kólik jáne jol-kólik ınfraqurylymyn damytý basqarmasy taǵy bir dańǵyl jartylaı jabylatynyn habarlady.&nbsp;</p>

«Bógenbaı batyr jáne Saryarqa dańǵyldarynyń qıylysynda jol tósemine ortasha jóndeý jumystary júrgiziledi. Osyǵan baılanysty, 19-21 maýsym aralyǵynda joǵaryda atalǵan qıylys ishinara jabylatyn bolady. Bul rette qozǵalys bir jaǵymen qamtamasyz etiledi.

Astana turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne jol-qurylys jumystary júrgizilýine túsinistikpen qaraýdy suraımyz» delingen habarlamada.