Elordada taǵy bir aýyl sharýashylyǵy jármeńkesi ashylady

<p>ASTANA. KAZINFORM &ndash; 29 maýsymnan bastap Astanada Beıbarys Sultan kóshesiniń boıynda jańa aýyl sharýashylyǵy jármeńkesi bastalady.&nbsp;</p>

Astana ákimdigi resmı saıtynyń málimetinshe, jańa jármeńke «Rıo-de-Janeıro» TK qarama-qarsy ornalasady (Beıbarys Sultan kóshesi, 23). Ol kún saıyn saǵat 9.00-den 20.00-ge deıin kelýshiler úshin ashyq bolady. 

Jármeńkede jergilikti, sondaı-aq Túrkistan, Jambyl jáne Aqmola oblystarynyń taýar óndirýshileriniń túrli taýarlary usynylady.

Kelýshiler jańa pisken kókónister men jemisterdi, sapaly et, un ónimderin jáne basqa da kóptegen aýylsharýashylyq ónimin satyp ala alady.

Kelýshilerge yńǵaıly bolý úshin jármeńkeniń janynda № 49,73 avtobýs marshrýttary ótedi. Bul is-shara ótetin jerge yńǵaıly qoljetimdilikti qamtamasyz etedi.

Aıta ketý kerek, elordada demalys kúnderi jármeńke jumys isteıdi. Ol Saryarqa aýdanynda B. Soqpaqbaev kóshesi, 21 mekenjaıynda ornalasqan. Bul jármeńke ár demalys kúnderi saǵat 10:00-den 19:00-ge deıin jumys isteıdi.