Elordada sybaılas jemqorlyqqa qarsy áreket etý boıynsha keńeıtilgen keńes ótti
Keńeıtilgen keńes jemqorlyqty boldyrmaýǵa jáne joıýǵa baǵyttalǵan.
Elbasy Nur Otan partııasy Saıası keńesiniń keńeıtilgen otyrysynda sybaılas jemqorlyqqa qarsy kúresti kúsheıtý qajettigine nazar aýdardy.
Memleket basshysy sybaılas jemqorlyqqa qarsy saıasattyń negizgi baǵyttarynyń biri bıýdjet saıasatynyń ashyqtyǵyn arttyrý ekendigin aıtty.
Keńes barysynda sybaılas jemqorlyqqa qarsy is-qımyl agenttiginiń departament basshylyǵy sybaılas jemqorlyq quqyq buzýshylyqtar statıstıkasyn jarııa etti jáne júrgizilip jatqan jumystyń arqasynda qoǵamdaǵy turmystyq sybaılas jemqorlyq paıyzy tómendegenin atap ótti.
Mysaly,balalardy balabaqshalarǵa kezekke qoıýdy tsıfrlandyrý oryn berý júıesin barynsha ashyq etýge múmkindik berdi. Qala prokýratýrasy apparatynyń basshylyǵy ishki baqylaýdy kúsheıtý jáne qaramaǵyndaǵylardyń sybaılas jemqorlyq buzýshylyqtary úshin birinshi basshylardyń jaýapkershiligin kúsheıtý qajettigin atap ótti.