Elordada sý tasqynynan zardap shekkenderge kómek kórsetý shtaby ashyldy
Bul týraly qoǵam qaıratkeri Murat Ábenov Facebook-tegi óziniń paraqshasynda málim etti, dep habarlaıdy «QazAqparat» HAA tilshisi.
«Shtab qurý ıdeıasyn kótergen alǵashqylardyń biri «Respýblıka-Óńir-Damý» qoǵamdyq qorynyń jetekshisi, bloger Ǵalym Baıtuq boldy. Ol bizge ǵımarat usyndy jáne birinshi bolyp jyly kıimder ákelip berdi. Habarlandyrý jasalǵan soń, kóp uzamaı azamattar azyq-túlik pen kıimder jetkize bastady», - dep jazdy Murat Ábenov.
Shtab týraly barlyq qosymsha málimetterdi #TaskynKomek heshtegi arqyly nemese astanaopen.kz saıtynan kórýge bolady.
Shtabtyń mekenjaıy: Astana, Qonaev kóshesi, 35, «Respýblıka-Óńir-Damý» QQ keńsesi.
Eske sala ketsek, bıyl Qaraǵandy, Aqmola, Soltústik Qazaqstan, Aqtóbe oblystaryn qyzyl sý basty. 4,7 myń adam óz úılerinen kóshýge májbúr boldy. Sý basqan aımaqtarda 1156 úı jáne saıajaı ýchaskeleri bar.