Elordada sý basý qaýpi bar ýchaskelerdegi bógetter nyǵaıtylyp jatyr

NUR-SULTAN. QazAqparat - Túrli tótenshe jaǵdaıdan azamattyq qorǵaýǵa qatysty el aýmaǵynda jyl saıynǵy «Kóktem-2022» respýblıkalyq komandalyq-shtabtyq oqý-jattyǵý ótip jatyr. Onda tótenshe jaǵdaılardyń aldyn alý jáne joıý boıynsha is-qımyldar, sý tasqyny kezeńindegi tótenshe jaǵdaılarǵa den qoıý sharalary pysyqtalýda, dep habarlaıdy QazAqparat.

Elorda ákimdiginiń resmı saıtynyń aqparatyna sáıkes, o qý-jattyǵý barysynda azamattyq qorǵaý qyzmetteri mynadaı is-sharalardy pysyqtaýda:

- azamattyq qorǵaýdyń aýmaqtyq jáne salalyq júıeleriniń jumys isteý rejımin sý tasqyny kezeńindegi TJ qaýpi jáne týyndaýy kezindegi mindetterdi oryndaýǵa Joǵary ázirlik rejımine keltirý;

- sý tasqyny kezeńinde TJ joıýǵa daıyndyq deńgeıin jáne qabiletin arttyrý;

- kólik magıstraldary men tirshilikti qamtamasyz etý nysandarynyń jumys isteýin buzý jaǵdaılarynda baǵynysty kúshterdi basqarý boıynsha jumystardy úılestirý;

- azamattyq qorǵaý qyzmetteri men quralymdarynyń sý tasqyny kezeńindegi TJ den qoıýǵa daıyndyǵyn tekserý.

Joǵaryda kórsetilgen is-sharalardy júzege asyrý úshin qala ákimimen arnaıy nusqaý bekitilgen. Sonymen qatar, nusqaýlyq mindetterdi iske asyrý boıynsha barlyq azamattyq qorǵaý qyzmetterine jiberilgen.

Oqý-jattyǵýdyń jedel shtaby elordanyń TJD bazasynda ótkiziledi, onda respýblıkalyq shtabtyń kirispe jáne sheshimderin pysyqtaý úshin qalanyń azamattyq qorǵaý qyzmetteri ornalasqan.

Oqý-jattyǵýdyń praktıkalyq is-qımyldaryn pysyqtaý elordada qalanyń sý tasqyny qaýpi bar ýchaskelerinde ótti. Esil aýdanynyń «Úrker» eldi mekeninde, Saryarqa aýdanynda Dýlatov kóshesi, 176/1 («Qaraqat» balabaqshasy), Gorkıı kóshesi, 22 «Temirjolshylar» eldi mekeninde jáne «Nurly Jol» vokzaly aýdanynda «Şebsklad» baqsha qoǵamynyń ýchaskesinde bógetterdi turǵyzý jáne nyǵaıtý boıynsha praktıkalyq is-sharalar pysyqtaldy. Sol sııaqty Baıqońyr aýdany «Avtomatıka» eldi mekeninde bógetti nyǵaıtý jáne sý aǵatyn qubyrlardy aýystyrý boıynsha jumystar júrgizildi.

Jalpy praktıkalyq is-sharalarǵa qalanyń azamattyq qorǵaý qyzmetteriniń jeke quramynan 136 adam jáne 35 tehnıkasy qatysty.