Elordada SPA, kompıýterlik klýbtar men basseınder qalaı jumys isteıdi

NUR-SULTAN. Elordanyń bas memlekettik sanıtarlyq dárigeri Sarhat Beısenova qaladaǵy shekteý jáne karantın sharalary týraly qaýlyǵa ózgerister men tolyqtyrýlar engizdi. Oǵan sáıkes, jabyq basseınder, SPA-ortalyqtar men kompıýterlik klýbtardyń jumys kestesi ózgertildi, dep habarlaıdy qala ákimdiginiń resmı saıty.

Engizilgen ózgeristerge sáıkes, SPA-ortalyqtar, SPA-salondar, sondaı-aq massaj ortalyqtary men kabınetter kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp jáne shtattyq rejımde jumys kestesin belgileı otyryp, biraq qatań túrde aldyn ala jazylý boıynsha 3 kelýshiden aspaıtyn rejımde jumys isteı alady.

Saýnasy bar jabyq basseınderdiń jumys kestesi de shtattyq rejımde belgilengen.

Mundaı ózgerister kompıýter klýbtarynyń jumysyna da áser etti:

«Ashyq» pılotyna qatysatyn kompıýter klýbtarynyń jumysyna ruqsat etiledi. Kelýshiler arasynda keminde 1,5 metr qashyqtyq saqtalýy, tolymdylyǵy 50%-dan aspaıtyn jaǵdaıda, sondaı-aq jumys rejımin saǵat 12.00-den 24.00-ge deıin belgileı otyryp, 1 kelýshige 4 sharshy metr esebinde jumys isteýin qamtamasyz etý qajet. Tek 18 jastan asqan adamdarǵa ruqsat etiledi», - delingen qujatta.