Elordada sorǵy-súzgi stansasynyń qurylysy bastalady
«Qalaǵa úshinshi sorǵy-súzgi stansasy qajet. Eki sorǵy-súzgi stansasy táýligine 200 myń tekshe metr sýmen qamtamasyz etip otyr. Qazirgi ýaqytta qurylys kóleminiń artýyna baılanysty sý tapshylyǵyn sezetin bolamyz. Ótken jyly stansany jobalaǵan edik. Jobasy bar. Barlyq konkýrs rásimderi ótkizildi. Kúzde úshinshi sorǵy-súzgi stansasynyń qurylysyn bastaımyz. Ol táýligine qosymsha 100 myń tekshe metr sý beredi», - dedi ol Nur-Sultan qalalyq máslıhatynyń kezekten tys sessııasynda.
Sonymen qatar qala basshysy jańa qurylys aýdandarynda elektr shaǵyn stansalaryn salý qajettigin atap ótti.
«Jalpy, jaıly jaǵdaı jasaý úshin jumys istep jatyrmyz. «Nur-Sultan – jaıly qala» josparyna sáıkes, 150 aýla men 40 qoǵamdyq keńistikti abbattandyramyz. Ótken jyly 150 aýla men 60 qoǵamdyq keńistikti abbattandyrǵan edik. 2019, 2020 jáne 2021 jyldyń qorytyndysynda shamamen 420 aýla men 100-den astam qoǵamdyq keńistikti abbattandyratyn bolamyz», - dedi qala ákimi.