Elordada soǵys ardagerleriniń úıleri jóndeýden ótkiziledi

ASTANA. QazAqparat - Uly Otan soǵysyndaǵy jeńistiń 69 jyldyǵy jaqyndap keledi. 2014 jyldyń 1 sáýirindegi derekter boıynsha Astanada 258 UOS ardagerleri turady, olardyń 194-i UOS ardagerleri, 64-i UOS múgedekteri. Bul týraly Astana ákimdiginiń baspasóz qyzmetinen habarlady.

Jyl saıynǵy dástúrli sharalardan basqa ardagerlerdiń materıaldyq-turmystyq ómir súrý jaǵdaılaryn zertteý qorytyndylary boıynsha, úıleri men páterlerine, aýlalaryna jóndeý jáne abattandyrý jumystary júrgiziledi.

Al Jeńis kúni qarsańyna oraılastyrylǵan «Meıirimdiliktiń kóktemgi kúnderi» keń aýqymdy aktsııasy aıasynda elordalyq mektep oqýshylary men kolledj stýdentteri ardagerlerdiń aýlasyn tazalap, sharýashylyqtaryna qolǵabys etedi.

Sondaı-aq, ardagerlerge qala bıýdjetinen aqshalaı demeýshilik kórsetilip, merekelik kontsertter uıymdastyrylyp, sanatorıılerge joldamalar úlestiriledi.