Elordada «Smartfonsyz mektep» jobasy iske qosyldy

<p>ASTANA. KAZINFORM &ndash; Astana qalasynyń birqatar mektebinde jańa joba qolǵa alyndy. Oqýshylar sabaq barysynda alańdamaýy úshin uıaly telefondaryn ustamaıdy. Bul týraly elordanyń bilim basqarmasynyń baspasóz qyzmeti habarlaıdy.&nbsp;</p>

«Bilim sapasyn arttyrý maqsatynda Astanada birqatar bilim berý uıymynda «Smartfonsyz mektep» jobasy iske asyp jatyr. Oqýshylar sabaqtyń aldynda uıaly telefondaryn arnaıy uıashyqtarǵa salyp qoıady», - deıdi basqarmadan.

Jańa joba elordanyń birqatar mektebinde engizildi. Atap aıtqanda, №1, №4, №7, №8, №17, №18, №25, №28, №29, №32, №34, №43, №46, №48, №52, №58, №70, №73, №76, №77, №87, №93, №103, №103 jáne №108 bilim ordasy. 

«Mundaı is-shara oqýshylardyń oılaý qabileti men psıhologııalyq jaı-kúıine oń áser etedi», - dep tolyqtyrdy qalalyq vedomstvodan. 

Sondaı-aq Bilim basqarmasynyń habarlaýynsha, atalǵan jobany mektepterge engizý mindettelmeıdi. 

Eske sala ketsek, byltyr qarashada oqýshylarǵa sabaq ústinde telefon qaraýǵa shekteý engizildi. Atalǵan zań jobasy Májilistiń jalpy otyrysynda qabyldandy.