Elordada Slavıan jazbalary men mádenıeti kúni ótkizildi (FOTO)
Shara aıasynda Reseı ǵylym men mádenıet ortalyǵynda «Slavıan jáne túrki mádenı-tildik baılanystary: dástúrleri men qundylyqtary» atty halyqaralyq ǵylymı-praktıkalyq konferentsııa uıymdastyryldy.
Konferentsııanyń maqsaty - Qazaqstan etnomádenı keńistigindegi slavıan tilderiniń alýan qyrly qyzmeti men olardy saqtap qalý máseleleri jóninde pikir almasý, orys jáne ózge de slavıan tilderin oqytý baǵytyndaǵy jınaqtalǵan tájirıbelermen almasý, ǵasyrlar toǵysyndaǵy slavıan jáne túrki halyqtarynyń ózara tyǵyz qarym-qatynastarynyń joldary men qundylyqtaryn talqylaý.
Konferentsııada qazaqstandyq jáne sheteldik jetekshi ǵalymdardyń slavıantaný, túrkitaný, tildik qatynas, aýdarma salasyndaǵy baıandamalary tyńdaldy.
Konferentsııaǵa Qazaqstan halqy Assambleıasy men Mádenıet jáne sport mınıstrligi ókilderi, Qazaqstan Respýblıkasyndaǵy slavıan jáne túrki memleketteri elshilikterinen kelgen arnaıy qonaqtar, belgili ǵalymdar men qoǵam qaıratkerleri, etnomádenı birlestikter, etnoaǵartýshylyq mektepter men BAQ ókilderi qatysty.
Shara M.Gorkıı atyndaǵy Memlekettik akademııalyq orys drama teatrynda slavıan etnomádenı birlestikteri uıymdarynyń shyǵarmashylyq ujymdary men óner sheberleriniń qatysýymen ótken merekelik kontsertpen jalǵasyn tapty.
Sharaǵa Qazaqstan halqy Assambleıasynyń músheleri, qoǵam qaıratkerleri, din ókilderi, etnomádenı birlestikterdiń basshylary jáne Astana qalasynyń ǵylymı-pedogogıkalyq jáne shyǵarmashylyq qaýymy, sonymen qatar Reseı Federatsııasynyń Qazaqstan Respýblıkasyndaǵy tótenshe jáne ókiletti elshiliginiń keńesshisi A.A.Mýsıenko, Astanadaǵy Reseı ǵylym men mádenıet ortalyǵynyń basshysy V.N. Nefedov qatysty.