Elordada ShYU Bas prokýrorlarynyń mereıtoılyq otyrysy ótýde

ASTANA. QazAqparat – Elordada Shanhaı yntymaqtastyq uıymyna múshe memleketter Bas prokýrorlarynyń 20-mereıtoılyq otyrysy ótip jatyr, dep habarlaıdy QazAqparat tilshisi.

«Delegattardy ShYU-ǵa múshe memleketter Bas prokýrorlarynyń 20-shy mereıtoılyq kezdesýimen quttyqtaımyn. Biz úshin onyń Qazaqstan jerinde ótkizilýi úlken mártebe. Ózara senimge, teń quqyly jáne ashyq dıalogqa negizdelgen ShYU-nyń máni boıynsha biregeı rýhyn nyǵaıtý mindeti asa mańyzdy bolyp sanalady. ShYU jıyrma jyldan beri bedeldi saraptamalyq platforma mártebesin laıyqty túrde saqtap keledi. Muny ShYU protsesine qatysýshylardyń geografııasy jyldan jylǵa keńeıip kele jatqany aıǵaqtaıdy», - dedi otyrysty ashqan QR Bas prokýrory Berik Asylov.

Otyrys barysynda qylmystyq aktıvterdi qaıtarýǵa qatysty tájirıbe almasý jáne ozyq tájirıbeler men probemalar talqyǵa túsip jatyr. Іs-sharanyń qorytyndysy boıynsha urlanǵan aktıvterdi qaıtarý máseleleri boıynsha odan ári ózara is-qımyl jasaý jáne ozyq tájirıbemen almasý jónindegi basym mindetterdi aıqyndaıtyn otyrys hattamasyna qol qoıylady dep kútilýde.