Elordada ShYU sammıti bastaldy

<p>ASTANA. KAZINFORM &ndash; Elordadaǵy Táýelsizdik saraıynda Qazaqstan tóraǵalyǵymen Shanhaı yntymaqtastyq uıymynyń sammıti bastaldy.</p>

Іs-sharaǵa Qazaqstan, Iran, Qytaı, Qyrǵyzstan, Pákistan, Reseı, Tájikstan, Ózbekstan, Belarýs, Mońǵolııa, Ázerbaıjan, Qatar, Túrkııa jáne Túrikmenstannyń Memleket pen Úkimet basshylary, BAÁ-den Ras ál-Haıma ámirliginiń ámiri, Úndistannyń Syrtqy ister mınıstri, sondaı-aq ShYU Bas hatshysy jáne ShYU Óńirlik terrorızmge qarsy qurylymynyń Atqarýshy dırektory qatysyp jatyr.

Sammıtke sonymen qatar BUU Bas hatshysy jáne TMD, EYU, AÓSShK, UQShU, EEK jáne AQIU sııaqty halyqaralyq uıymdardyń basshylary shaqyrylǵan.

ShYU sammıti alǵash ret «ShYU-ǵa múshe Memleket basshylary keńesiniń otyrysy» jáne «ShYU+» kezdesýi formatynda ótedi.

ShYU-ǵa múshe Memleket basshylary keńesiniń otyrysy barysynda Astana deklaratsııasy, 20 sheshim, Memleket basshylarynyń 3 málimdemesi, onyń ishinde «Ádil beıbitshilik, kelisim jáne damý úshin álemdik birlik týraly», «ShYU-ny jetildirý týraly» bastamasy qabyldanbaq. Belarýs Respýblıkasyn ShYU músheligine qabyldaý rásimin aıaqtaý jáne oǵan Uıymǵa múshe memleket mártebesin berý týraly tarıhı sheshim de búgin júzege aspaq.

Jalpy, Memleket basshylary Uıymnyń kópjosparly yntymaqtastyǵyn, onyń perspektıvalaryn odan ári nyǵaıtýǵa jáne ózekti halyqaralyq jáne óńirlik problemalardy sheshýge yqpal etetin kóptegen máseleni qarastyrady.

«ShYU+» kezdesýi «Ádil beıbitshilik, kelisim jáne damý úshin álemdik birlik týraly» taqyrybynda keńeıtilgen formatta ótedi.

Astana sammıtiniń ereksheligi nede? Kazinform sarapshysy osy saýalǵa jaýap izdep kórdi.