Elordada satylyp jatqan kómir baǵasy belgili boldy

NUR-SULTAN. QazAqparat – Elordada satyp jatqan kómirdiń eń arzanynyń 1 tonnasyn qazirgi ýaqytta 10 myń teńgeden alýǵa bolady, dep habarlaıdy QazAqparat tilshisi.

Nur-Sultan qalasy ákimdiginiń «Qalalyq monıtorıng jáne jedel áreket etý ortalyǵy» – iKOMEK109 málimetinshe, búginde elordada Pavlodar oblysynyń aýmaǵyndaǵy Bogatyr kómir kenishi óniminiń tonnasyn 10 myń teńgeden satyp alýǵa bolady.

Sonymen qatar osy oblystyń aýmaǵyna kiretin Baıanaýyl aýdanyndaǵy Maıkóbe kenishiniń qońyr kómiriniń bir tonnasy sapasyna qaraı 11 000 teńgeden bastalyp, 12 500 teńgege deıin saýdalanyp jatyr.

Qaraǵandy kómiriniń de baǵasy 12 500 teńgege tóńireginde.

Abaı oblysynyń Abaı aýdanynda ornalasqan Qarajyra kenishiniń kómirin 13 500-14 000 teńgeden alýǵa múmkindik bar.

Elordadaǵy eń qymbat kómir Shubarkól kenishine tıesili.

Bul kenishtiń kómirin elordada bir tonnasyn 13 500-15 500 teńge aralyǵynda satyp alýǵa bolady.