Elordada Sátbaev kóshesi men Bógenbaı batyr dańǵyly jóndeýge jabylady
22:01, 20 Sáýir 2020
NUR-SULTAN. QazAqparat - 20 sáýir men 5 mamyr aralyǵynda Nur-Sultan qalasyndaǵy Qanysh Sátbaev kóshesi men Bógenbaı batyr dańǵyly jóndeý jumysyna baılanysty jabylady, dep habarlaıdy QazAqparat qala ákimdigine silteme jasap.
Nur-Sultan qalasynyń Kólik jáne jol-kólik ınfraqurylymyn damytý bólimi men qalalyq Polıtsııa departamentiniń ákimshilik polıtsııa basqarmasy birlesip, Q.Sátbaev kóshesi boıymen B.Momyshulynan Q.Muńaıtpasovqa deıin, Bógenbaı batyr dańǵyly boıymen Saryarqa dańǵylynan Sh.Ýálıhanov kóshesine deıingi ýchaskede jóndeý jumystaryn josparlap otyr.
«20 sáýir men 5 mamyr aralyǵynda atalǵan ýchaskede kólik qozǵalysy jartylaı jabylady. Jóndeý jumystaryna baılanysty jol tósemin jóndeý jáne irgeles aýmaqty abattandyrý josparlanǵan», – delingen habarlamada.
Keptelis bolmaý úshin júrgizýshiler baratyn baǵytyn aldyn-ala josparlaýy kerek.